Dä Karessellches Mann.

zoletz jeändert: 2-.-1.2017 öm: 16: 0 Uhr  Druckerfründliche Sigg • 11260 × beluurt.

 
Leed vum Josef Roesberg, zo singe op die Karessellches Melodie vum Andreas Pütz.
 
Ehr Hähren un Mamsellcher,
Kutt her, vun fähns un noh,
Der Mann me'm Karessellche,
Pitt-Jüppchen, dä eß do!
Pitt-Jüppchen drieht am Räddche,
Sing Frau, de schleit de Trumm, -
De Urgel hält Janettche
Un Settche de Lavumm.
Jedes Pädche kritt 'ne Jung,
Füßche, Schimmel, Bläß ov Brung!
Tschimmla, tschimmla, hoppsassa!
Tschimmla, tschimm - - - - Partie!!!

Wann Kirmeß oder Maat eß,
Dann kütt der Pädches-Mann
Met singer gröne Wagekeß
En jedem Dörpche an.
Drus loore, we de Pürke,
De Köpp un och de Stätz
Vun all dä hölze Stirke,
Wie laach uns doh et Hätz!
Kinder, Vah un Ühm un Möhn
Roofe, juzen: och we schön!
Tschimnla.. .

Wer nor en Geis ein Ställche
Un noch `su ärm eß dran,
Muß Kirmeßweck un Geldche
Doch för de Pädcher hann.
Dann, süht hä dat Vergnöge,
Wat et de Kinder mäht,
'Su durch de Looch zo fleege
Op ehrem hölze Päd,
Trick dä Ahl der letzte Fuß
Us dem Wammes noch eruus.
Tschimmla...

Doh sitz als we 'ne Ritter,
Un hinger sich de Mähd,
Der Meisterknääch, der Pitter,
Gar stolz op singem Päd.
Se hällt inn faß ömschlunge,
Hä stich met singer Lanz
Vör all dä andre Junge
Grad mezzen durch der Kranz!
Un dat Kohstalls-Annemarie
Juhz un hällt der Pries en de Hüh:
Tschimmla...

Hätt Jüppche voll et Büßche
Un eß de Kirmes us,
Spazeere Schimmel, Füßche
Fruh en ehr hölzen Huus.
De Jungen un de Mädcher,
De sinn wahl ärg bedröv,
Bes Jüppche met dä Pädcher
Zom Abschied inne röf:
Kumm'n ich widder met Bläß un Brung,
Hätt jed' Mädche singe Jung!
Tschimmla...

Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews

 
  <<< widder öm
 
Zufallsfoto aus unserer FotoGalerie
Impressum | Samstag, 16. Dezember 2017 | Copyright © 1998 - 2017 Udo Gerth, Köln | 1 Besucher online | # 1512895 | PI's: 4795449