Kaffee met jet derzo

zoletz jeändert: 2-.-1.2017 öm: 14: 0 Uhr  Druckerfründliche Sigg • 8387 × beluurt.

 
Leed von Wilhelm Hennekens, zu singen auf die Nohbersch Melodie.
 
Döckes eß ald en der Welt
Mänche Saach, de uns gefällt,
De verleechs vill wäät nit schingk
Un der Deechter doch besingk.
Dröm well ich mich nit schineere,
Han ich jitz bei meer gedaach,
Singen och ens met Maneere
Fresch vun minger Saach.

Zum Exempel weiß ich Ein',
De eß zwor nor klitze klein
Un kann doch Mirakel dunn
Un dat eß de Kaffeebunn.
Dann wat sollt dat eckesch gevve,
Wann et keine Kaffee göhv!
Blevv kei Mädchen uns am Levve,
Un dat wör bedrööf!!!

Kütt mer morgens uus dem Bett,
Fählt uns he un do noch jett,
Alles eß uns evvevill,
Hööt mer dann de Kaffeemüll!
Och! dat luck dann, su zo sage,
We de schönste Musik grad,
Un ein Liev et Hätz me'm Mage
Danz en Gallopad.

Nommedags zo räächter Zick
Kummen ehsch de Nohbersch-Lück,
Schwögerinne vör un noh,
De Frau Baas eß och ald doh!
Hingendrenn kütt dä Herr Vetter,
Mäht 'nen Baslemanes schön,
Säht: Das ist heut' schönes Wetter,
Wellekumm, Frau Möhn.

Kümp och endlich de Frau Godd,
Weed der Kaffee opgeschott,
Glich sitz alles, ein, zwei, drei,
Öm de Kann ald en der Reib,
Un et Threschen, un et Nettche
Höt me'm sechste Köppchen op,
Drinken ehr genühdig Pöttche
Doch noch bovven drop.

Wör der Kaffee selvs ens schlääch,
Un hä schmeckte gar nit rääch,
Dat eß alles einerlei,
Wör et och half Zuckerey!
Weed bis ohvends doch gesesse,
Keiner weed es ehter möd,
Wann de Haupsaach nit vergesse,
Wat derzo gehööt.

Botterbrezlen bovven an,
Dohnoh kumme Knippblätz dran,
Schößcher kummen och erenn,
Päärcher met Kurrenten drenn;
Wat meer allemohlde mügge:
Klümpcheszucker, wieß un hell;
Ka'mer decke Rauhm nit krigge:
Milch met Botzefell.

Wor dobei dann noch apaat
Och der Klaaf noh unser Aat,
Un dat Scheerche flihßefich,
Met Verläuf, verstoht Ehr mich?
Dann weed morge nümmes klage;
Wat han meer uns doh vermaht!
Koßbar! dat weed maffig sage,
Alles schmaht we Taat!

Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews

 
  <<< widder öm
 
Zufallsfoto aus unserer FotoGalerie
Impressum | Samstag, 16. Dezember 2017 | Copyright © 1998 - 2017 Udo Gerth, Köln | 1 Besucher online | # 1512895 | PI's: 4795452