Misch Woosch

zoletz jeändert: 8-.-0.2017  Druckerfründliche Sigg •  Info zu: Norbert Capell • 7408 × beluurt.

 
En Frau an enem Wooschlade steiht
Met finge Wöösch. Eren se geiht
Un frog dobennen dä Metzgerschpoosch:
»Meister, wat eß dat do för'n Woosch?«

»Dat eß Mischwoosch vun bisonderer Güte, -
Et Neu'ste om ganze Wooschgebiete,
Die Woosch gitt schlappe Nerve Kraff, -
De alderneuste Errungeschaff!«

»Wat kömmb dann en die Woosch erein?
Wie eß die Mischung, - eß die fein?«

»Dat well ich Üch sage, wat dren meer dun:
Halv Pädsfleisch un halv Fleisch vum Hohn:
Dat Höhnerfleisch, dat gitt de Nerven der Saff,
Dat Pädsfleisch ävver, dat gitt inne Kraff.«

»Die Woosch mag sin en got Erfreschung,
Ävver, Meister, saht, -wie eß dann de Meschung?«

»Zo gliche Deile«, dä Poosch do säht,
»En halv Hohn - un en halv Päd!«

 


Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews


  <<< widder öm
 
Impressum | Mittwoch, 23. August 2017 | Copyright © 1998 - 2017 Udo Gerth, Köln | 1 Besucher online | # 1497094 | PI's: 4757436