Alderdümer

zoletz jeändert: 2-.-1.2017  Druckerfründliche Sigg •  Info zu:  • 8083 × beluurt.

 
Alderdümer eigener Aat
Han bes hück sich got verwaht,
Die kei Minsch kapott kunnt schlonn,
Weil se an der Stroß nit stonn:
´t sin ahl Wöder,
Däglich hö´t ehr
Se en unserem leeve Kölsch,
Well se nenne,
Leht se kenne
Us´nem Reimgemölsch

Zinter Vring, de Höönchesmeß,
Sibbe Luhstöck, Girjunskeß,
Unger dem Pöözge, ob der Sood,
Plöckhoff, Gringkopp, Schudderhot,
Plackige Fissel,
Ohßepissel,
Do Schavuenahngeseech,
Flabes, Püngel,
Krau un Klüngel,
Kudegat, Geläsch.

Ketsch, Zi-Märjens Repp, de Läuv,
Schmeckebrocke, Kappeshäuv,
Platz-Gabbeck, Gesöms, Kujohn,
Trippe, Hotschele, Dreck am Schohn,
Laberdöncher,
Ömmerjöncher,
Köttel, Schladerbotz, Lavum,
Heidekännche,
Kaastermännche,
Schiddewiddewid Bumbum.

Drecklich Wasser, gecken Ditz,
Drüge Pitter, Labberitz,
Kratzböösch, Kötthungk, Klaafmuul, Klut,
Naserines, Tronskann, Schrut,
Kromme Stivvel,
Schnüffgesgivvel,
Krebbenbesser, Külesköpp,
Stropp, Grielächer,
Krätzgesmächer,
Schlofmötz, fliedige Möbb.

Lotterbov, Kunnibäz-Pötz,
Blinge Mömmes, Höppemötz,
Pattevugel, Kevelaer Fahn,
Plätsch un Roß, wer eß jitz dran?
Schassewittche,
Schähl Kivittche,
Trummeleut un Rusekranz,
Em Knallhöttche,
Stippevöttche,
Hühldopp, Wecklewanz.

Quetschebüggel, Kirmesplätz,
Driehbrett, Moppe, Koochenhätz,
Faastebrezzel, Birrekruck,
Kröpp; Andieve un Laduck,
Schibbeläutche,
Göbbels-Fleutche,
Öllig, Briehßem, e Glas Wieß,
Krönzele, Prümmcher,
Kellerstümpcher,
Röggelche met Kieß.

Kuschlemusch, Mutt, Ünkelskäz,
Beierhannes, Wibbelstäz,
Schwammbeer, Plagge, Zuppekump,
Loderänsdösge, Baselump,
Tätsche Külche,
Seifermülche,
Pahpepooz, Hembsmäuche, Spetz,
Mandele, Muze,
Fimme, Knuze,
Schnaaftig, Zacker Bletz!

Knoddepürke, Kies, Kamelle,
Knüver, Tringchen allbestell,
Möhnegrößer, Antun Meis,
Baselemanes, Marjedeis,
Botterämcher,
Hungsmadämcher,
Maler Bock un Rhingsrabau,
Frembge, Duffes,
Hutschpott, Kruffes,
Böckderöckwauwau!

Flätt, Hubätesreemche, Ging,
Ömmere, Pröll, Begovung, Ping,
Püngel, mager Räuz, allät,
Knurvel, Rippet, Kohstallsmähd,
Spekulatius,
Bubbelatius,
Schmeck vum Dudewage, Bies,
Pingsfuß, Poosche,
Fiese Grosche,
Schlabberschnüß, Zizies.

Schneiklotz, Brässel, Karmenat,
Gaffelbott, Kuschteie, Taat,
Lämmedsgaan, Kabaß, futtü,
Fröhßel, Fasteleer, Morjü,
Luppohr, Miebes,
Vollühl, schiebes,
Fleuten Arnold, Schmitzen Hen,
Zaus, Schnorrante,
Maatscharschante,
Eigensennige Penn.

Blänkegänger, Schloot, Freß-Klötsch,
Schnuddel, Hüüp, Kuletschhot, Blötsch,
Ärmen Höhsch, B´schoh do, Nixnotz,
Lange Zibbel, Bleche Botz,
Firlefanze,
Kumplesanze,
Krott, Gebrötsch, Keckschoserei,
Pute, Blage,
Schwademage,
Röbstill, Mösch, Buhei.

Quisel, Sibbeschröm, Gebünn,
Bestevader, Nohber Tünn,
Hännesge, Speimanes, drück, -
Doch no weed et wirklich Zick,
Dat et Näsge
En et Gläsge
Mer ens stippen endlich all,
Noh elf Strophe
Heiser roofe:
Huh dä kölsche Kall !!!

 


Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews


  <<< widder öm
 
Impressum | Samstag, 16. Dezember 2017 | Copyright © 1998 - 2017 Udo Gerth, Köln | 1 Besucher online | # 1512895 | PI's: 4795442