Ömmerspille

zoletz jeändert: 8-.-0.2017  Druckerfründliche Sigg •  Info zu: Wilhelm Räderscheidt • 6992 × beluurt.

 
Et Fröhjohr kütt, op Platz un Plätzche
fängk och et Ömmerspillen an;
et geiht öm Binz un Bomm un Krätzche,
et schreit von Schrübbche, Leck un Ahn.

Hei, wie de Ströpp de Backen blöhe!
Et gilt der Ehr, et gilt dem Glöck.
Der Finger spannt, de Auge glöhe;
der Ömmer flüg un rollt zoröck.

E Spill met Wennen un Verleere,
e Kinderspill un doch en Bild,
drus ka'mer vill för späder lehre;
dann he un do et selve gilt.

Da hät Aki, däm deit'e fähle;
däm laach et Glöck, däm wellt et nie;
bei däm sich Kuns un Guns nor gäle;
dam flupp et all, Gott weiß nit wie!

Dä kann en Freud un Stolz sich sonne
un dräht der vollen Büggel heim —
un hät doch wigger nix gewonne
als Ömmer, Kügelcher von Leim.

Der andre, dä se nack geschorre,
dä selvs sien Blötche noch verlor,
hä gläuv de ganze Welt verschworre,
fohlt deef sie Kinderleid, sing Troor.

Un all üch Spiller deit doch gevve
de Jugend Wärmde noch un Leech;
för üch litt golde noch et Lewe
un Freud un Fridden üch em Geseech.

Ehr Junge, denkt en späd're Dage
an Jugendzick un Spill zoröck,
lehrt Freud geneeßen un Leid erdrage:
zo lewen allein eß ald e Glöck.

Ov mer e Spillzüg han ov messe,
ov vill ov winnig vum Richdum der Aed,
Gesundheit un früh Gewesse,
die maachen et Lewe levvenswäätl

Wilhelm Räderscheidt

 


Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews


  <<< widder öm
 
Impressum | Mittwoch, 23. August 2017 | Copyright © 1998 - 2017 Udo Gerth, Köln | 1 Besucher online | # 1497094 | PI's: 4757439