Engelsordeil

zoletz jeändert: 0-.-1.2017  Druckerfründliche Sigg •  Info zu: Max Meurer • 7937 × beluurt.

 
Der Herrgott soß ens wohlgemot en singem Himmelszelt;
do reef hä sich fünf Engel her un scheckt se en de Welt.
Se sollten spioneere gon, wat innen op der Äd för Aug un Ohr,
Nas, Mungk un Hätz et beß gefallen dät.

Wie no en Zick verledde wor, stallt sich der eeschte en,
mäht schön sing Reverenz un säht: „Su wick gereis ich ben,
en Nord un Oß un Süd un Weß, su wick mien Aug och ging,
ich sohch nix Schön'res als der Dom em hellige Köln am
Rhing!

Köllen alaaf!"


Dann trot der zwette Engel vör un mäht nen deefe Knix:
„Ich han", säht hä, „vill Schöns gehoot, doch sag'n ich wigger
nix, als dat vun all da Klänge, die der Schall zom Ohr meer
drog, meer keine klung su söß un traut als wie de kölsche
Sproch!

Köllen alaaf!"


E Stündchen drop, do kom der drett, stallt sich en Pusitor un
säht: „Ich pröfte jeden Duff en Gade, Feld un Flor;
do gov et Wohlgeröche, die ich wirklich himmlisch fung;
doch Här, et Fingste för de Nas, dat wor Odekolung!

Köllen alaaf!"


Rääch spät, et wor ald Ovend, schwank der veerte Engel her;
hä größ der Här nor leich mem Kopp, ne Knix feel im zo
schwer.
„Bromosium un Nektar", säht hä, „eß jo alles Dreck!
Probeet nor ens en ech Glas Kölsch — ich sagen Üch, dat
schmeck!

Köllen alaaf!"


Der fünfte Engel äwer, da vum Hätze gov Berich,
dä scheckt dem Här e Tillegramm, dateet vum Gözenich:
„Ich setzen he om Maskenball glöcksillig en ner Grott
un han e leev kölsch Weech em Arm — mich kritt he keiner
fott!

Köllen alaaf !


Max Meurer

 


Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews


  <<< widder öm
 
Impressum | Montag, 23. Oktober 2017 | Copyright © 1998 - 2017 Udo Gerth, Köln | 2 Besucher online | # 1504568 | PI's: 4775963