De Frau Metternich

zoletz jeändert: 2-.-1.2017  Druckerfründliche Sigg •  Info zu: Margarete Hövel-Broicher • 6781 × beluurt.


En ganze Schwitt Junge wor wie jede Nommendag op
der Stroß am spille: Ömmere, Nohlaufe, Räuber un
Schanditz, wie et grad kom. Wann se sich möd gelaufe
hatte, soßen se beim Meister Koch op der Trapp un üvver-
lahte, wat se wahl morge dun künnte. Oder der Toll-
manns Pitter dät de Lück nohmaache, dat kunnt dä
wie keiner. Wann dann noch de al Frau Metternich noh
Huus kom, gov et widder Jet Neues för zo laache. Der
Pitter nohm adig sing Kapp av un frogten:

"Dag, Frau Metternich! Künnen Se meer nit sage,
wievill Ohr et eß?"

Worop dat ale Fräuche jedesmol fründlich saht: "Ich
weiß et och nit, ävver wenn et glich en Apostele lüggen
deit, dann eß et halver sibbe."

Dat saht se em veer Ohr esu got wie öm sechs. Die
Jungen heelten jedesmol der Odem an, öm kei Woot zo
üvverhöre, un de letzte Wöt bröllten se em Chor met.
De Frau Metternich kom gar nit op die Idee, dat die
Junge üvver se laachen däte. Se wor en Gedanke luuter
am rechene un bei ehrer Arbeit. Mer mot zosinn, dat
mer rundkom. Zick fröhem Wittfrau, wonnten se
bovven beim Koch em Huus op zwei Zemmercher un dät
för e Geschäfff Hemder nihe.

De Junge woren ens zor Avwähßelung op en ander
Spill gekumme. Jeder moot e Pand gevve, un dann
gingk et loß: "Tupp, tupp, tupp, wat soll dä Mann dun,
dam dat Pand zogehöt?-' Der Tollmanns Pitter dät na-
törlich bestemme, un hä kom op de usgefallenste
Saache. Su mot evvens der Meurers Jupp einem vun
da Mädcher, die drüvve "König, wieviel Schritte
schenkst du mir?" spillte, höösch ene Schlopp uszoppe
un öm de Latän binge. Dat gov ene Lamenteer! Se
kohmen us dem Laache nit mih eruus. Dann gingk et
wigger: "Tupp, tupp, tupp ....."

"Dä soll.... dä soll. . . ." Dam Pitter feel nix mih en.
"Dä soll", bletzten et im durch der Kopp, "bei de Frau
Metternich eropgon un froge: "Wat maachen de
Höhner?" Se däten all laache: Dat Pand gehoot dem
Seylers Karlche. Der Pitter dät noch zwei Junge be-
stemme, die met eropgon mote, öm zo höre, ov et
Karlche och nit fuutelen dät. Hä selvs leef hingerdren.
Wat wor dat en eng Trapp, un wie huh dät de Metter-
nichs wonne! Do stund et: Frau Apollonia Metternich.
Et Karlche dät kloppe un reß de Dör op: "Frau Metter-
nich, wat maachen de Höhner?"

Erömgedriht, de Trapp erav, wat gist'e, wat häst'e.
Se feele bal üvverenein un leefen op der Stroß noh alle
Sigge, als wann inne der Düvel un nit de Frau Metter-
nich op de Fääschte wor. Beim Koch op der Trapp loge
vergesse en Handvoll Pänder: e Stock Knick, e
Stümpche Blei, jet Kod un nen ale Gadingering.

De Frau Metternich ävver daach nit dran, de Junge
nohzolaufe. Dat hädden se och gar nit gekunnt. Se soß
bovven en ehrem Zemmerche un schott der Kopp. Wat
wollten die Junge vun ehr? Se hatt doch gar kein
Höhner. En der nöhkste Zickkunnt sich de Frau Metter-
nich noch mih wundere. Die Junge hatten Spaß an däm
Spillche gefungen, un etvergingk kaum nen Dag, wo nit
einer vun dä Fetze bei ihr de Döör opreß un noh de
Höhner frogte. Dann Dann nohm se us däm Emmer, da nevven
dem Häd stund, e Stöck Klütten eruus un schmeß dat
hinger dam Lottebov her. Treffen dät se nie, doför
woren die vill zo flöck.

Der Meister Koch hatt sing Freud an dä Junge, hä
wor dä einzigen en der Stroß, dä se vun singer Döör
nit fottjagen dät. Met der Zick feel et im op, dat se
durch et Huus leefe u dat et bovven am spektakele wor.

Eines goden Nommendags - grad wor et Karlche
Erunder gefäch kumme - klomm hä ens selver
All die Trappen bei de Metternichs erop. De Frau Metter-
Nich hat die Trapp kraache gehoot un daach, et Karlche
hätt an einem Spillche för hück noch nit genog. Se
schnappten sich de Wasserteut, die op der Döppebank
stund, reß selver flöck de Döör op un schott nen öntliche
Gutsch grad gägen der Här Koch.

„Wat sin dat dann för Maneere, de Lück op ehr al
Dag esu zo däufe?" saht der Här Koch un schott sich wie
nen Hungk.

„Marjadeies, leeven Här Koch, sitt Ehr et, dat eß äwer
e Malör!" Se kräg sich nit mih en. Met enem Handdoch
revv se am Koch singern naaße Kamesol eröm.

„Ich schödde flöck e Pöttche Kaffe op." Un no verzallt
se, wat de Jungen sich he för e Spillche leisten däte. Der
Här Koch, dä et Hätz op der räächte Plaatz hatt, dät
hell opiaache:

„Die Jüngelchor wäde mer schon kureere, do künnt
Ehr Üch drop verloße." Un ovschüns hä gar kein Zick
hatt, dat Täßche Trus drunk hä äwer doch gän. Et gefeel
im esu got en dam bletzblanke Köchelche met dä Granie
un da Stockvijülcher am Finster, dat hä frogen dät,
ov hä ens widderkummen dörf. „Woröm dann nit!"
laachten de Frau Metternich, „kutt nor, de Teut un de
Klütte dun ich got fott!"

Ändern Dags reef der Meister Koch der Tollmanns
Pitter un et Seylers Karlchen erenn. Die kome gän. Ald
esu off hatten se en Handvoll Kamelle oder Obs krage.
Och hück kräg jeder nen Appel; äwer dann säht der
Här Koch änz un bestemmp:

„Ich han gehoot, dat ehr ald ens gän erop bei de Frau
Metternich goht. Vun hück an sollt ehr do jet helfe.
Einer vun üch höllt de Klütten us dem Keller un dräht et
Wasser erop, da andere brängk de Nihsaache fott, ver-
stande!"

Der Pitter un et Kariche woßten nit, wie se widder op
de Stroß kome.

Glich drop dät et bei der Frau Metternich ganz höösch
kloppe. Der Pitter un et Kariche stundten do, als wann
se en Teut Wasser üvvergekräg hätte. Äwer de Frau
Metternich dät, als wann nix gewäs wör un spannten se
allebeids an. Met der Zick fung et Kariche och singe
Mungk widder, un wann hä dä Emmer met Klütten
hinsatz, dat hä ganz lus laache: „Frau Metternich, wat
maachen dann de Höhner?"

„Maach, dat ich deer helfe", laachton die widder un
daut im e paar Plätzcher en de Fuus. So wor vun Hätze
fruh, dat de Jungen ehr die Arbeit avnohme

Äwer noch einer wor fruh, un dat wor der Meister
Koch. Jeden Dag noh Feerovend kom hä de Trapp erop-
klabastert. Hä moot sich doch üvverzeuge, ov de Jungen
ehr Saach och öntlich mähte. Dann soßen die zwei al
Lückcher am offe Finster bei da Blome, un einer gefeel
dam andere immer besser.

Ganz esu alt wor mer jo noch nit, wa'mer och lantsam
op de Sechzig angingk. Un eines goden Dags meint dann
der Meister:

„Wie wör et dann, wa'mer ens frogen dät: Frau Koch,
wat maachen de Höhncr?"

Un esu wor et jekumme, dat de Junge met ehrer
Fetzerei zwei einsame Hätze glöcklich gemaht hatte.

Margarete Hövel-Broicher





Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews


  <<< widder öm
 
Impressum | Samstag, 16. Dezember 2017 | Copyright © 1998 - 2017 Udo Gerth, Köln | 1 Besucher online | # 1512895 | PI's: 4795448