Fastelovend

zoletz jeändert: 0-.-1.2017   Druckerfründliche Sigg •  Info zu: Peter Berchem • 11623 × beluurt.



 
Fastelovend eß gekumme!
All de Kölsche sin aläät,
üvverall gonn decke Trumme,
üvverall do weed getrööt.

Durch de Stroße springe Gecke,
gääl der ein, der andere grön;
wat se och zesammeflecke,
jeder meint, sing Kapp wör schön.

Wie de Ale su de junge!
Plätsch un Raspel en der Hand,
kütt dat Puutespill gesunge,
hügg säht nichs der Herr Scharschant.

Vun dem Nüümaat stolz un stödig trick
der Fastelovendszog,
un et Volk läuf rack wie wödig,
süüht der Prinz nit off genog.

Strüüßger fleegen un Kamelle,
alles juhz un raaf un Iaach;
mallig deit dervun verzälle,
wann vörüvver eß de Praach.

üvverall gonn decke Trumme,
üvverall do weed getrööt,
Flastelovend eß gekumme,
un de Kölsche sin aläät!
 
  <<< widder öm
 
Impressum | Montag, 23. Oktober 2017 | Copyright © 1998 - 2017 Udo Gerth, Köln | 2 Besucher online | # 1504567 | PI's: 4775951