Der kölsche Zappes

zoletz jeändert: 8-.-0.2017   Druckerfründliche Sigg •  Info zu: Peter Berchem • 10258 × beluurt.



 
Hä kann esu blieve,
deit "Hendrich" sich schrieve,
weed "Köbes" genannt,
süht us wie vum Land,
hät Backe wie Keesche,
der Schnäuzer gestreche,
de Hoore voll Fett,
eß immer adrett.

E blo Kamesölche,
am Hals e wieß Röllche,
ne Schooz nit zo spack,
dat eß singe Frack.
De Täsch am bequäme
glanzleddere Reeme,
dat mäht in rääch schlank,
et Büchelche langk.

Su deit hä sich schlängele,
su deit hä sich drängele
lans Desche un Stöhl
durch all dat Gewöhl.

Deit einer im winke,
sie Glas nor usdrinke,
ov et räächs eß ov links,
dat hät hä gespinx.

Brängk he denne Härcher
Fünfpennings-Zigärcher,
däm do e Glas Wieß
bei't Röggelche Kies,
hölt flöck nem Madämche
e dreistöckig Hämmche,
dem Stammdesch "Got Spund"
de veezehnte Rund.

Hä weiß zo verzälle
männich Krätzche us Kölle,
verdräht ene Wetz,
nimmp keinem jet spetz,
eß fründlich, maneerlich,
vör allem grundehrlich
un immer fidel-
Ne prächtige Kääl!
 
  <<< widder öm
 
Impressum | Mittwoch, 23. August 2017 | Copyright © 1998 - 2017 Udo Gerth, Köln | 1 Besucher online | # 1497094 | PI's: 4757444