Ne jode Rod

zoletz jeändert: 0-.-1.2017   Druckerfründliche Sigg •  Info zu: Peter Berchem • 11468 × beluurt.



 
Do meins et ehrlig, sprichs grad wie Do denks,
Günns jedem, wat in glöcklig määht em Levve,
Un wann Do einem Die Vertraue schenks,
Dann eß et grad, als wööt enen Ak geschrewe.

Da'ß rääch! Doch beß Do nit ene kölsche Jung?
De Kölsche mallig gän zo leich vertraue;
Se drage wahl et Hätz op ehrer Zung
Un sinn nit, ov op Sand ov Stein se baue.

Se hann kein Arg un denke selden draan,
Wann inne Glöck un Fridde weed zerresse,
Dat, wie beim Herrgodd fingk der Krützwääg aan,
Ne Judas spillten hinger de Kulesse.

Dröm gew god aach, waäm Do Dien Hätz uusschötts
Nen echte leeve Fründ eß schwer ze krige;
Hee immer noch dat god ald Spröchwood nötz:
Et Bubbele eß bloß Selver, Gold - et Schwige!
 
  <<< widder öm
 
Impressum | Montag, 23. Oktober 2017 | Copyright © 1998 - 2017 Udo Gerth, Köln | 3 Besucher online | # 1504567 | PI's: 4775949