Rödsel

zoletz jeändert: 2-.-1.2017   Druckerfründliche Sigg •  Info zu: Peter Berchem • 8162 × beluurt.



 
Hä eß bekannt en aller Welt,
ich kann in nit verdrage;
de Gall em Liev mer üvverquellt,
hören ich vun im jett sage.

Ald eß hä wie Mathusalem
un well un well nit sterve;
hä eß wie kodde Plack esu schlemm
un liet sich nit verderve.

Weed nor bekannt en god neu Stell,
en Arbeid uusgeschrevve,
mer kann et maache, wie mer well,
hä steiht gelich dernevve.

Hä tätsch sich üvverall erenn
un sök sich sie Profitche;
hä driht die Saach noh singem Senn
un - hät se me´m Schafittche.

Dröm günnt ich dennen, die dran schold,
- et eß ene ganze Püngel -
der Düvel hätt se all gehollt
met ehrem "Kölsche . . . . . . !"
 
  <<< widder öm
 
Impressum | Samstag, 16. Dezember 2017 | Copyright © 1998 - 2017 Udo Gerth, Köln | 1 Besucher online | # 1512895 | PI's: 4795425