Et Fröhjohr kütt

zoletz jeändert: 0-.-1.2017   Druckerfründliche Sigg •  Info zu: Peter Berchem • 8610 × beluurt.



 
Et Fröhjohr kütt! An Struch un Baum
spinks us dem Knopp et ehschte Bladd,
hät höösch noh'm lange Winterdraum
de Finsterladen opgemaaht.

Et Fröhjohr kütt! En Amsel sök
de Note vun däm Liebesleed,
dat uns verzälle soll ehr Glöck,
wann Aanfangs Mai se Huhzigg feet.

Et Fröhjohr kütt! Dä Sonneglanz
lock op de Stroß et Puutespill;
dat springk un singk ein Rusekranz
un hät jitz Freud mih wie zevill.

Et Fröhjohr kütt! Op stellem Wäg
jung Lieb sich ehres Levvens freut
un, hät se alld jett Mod gekrääg,
om Weiher gän der Naachen däut.

Et Fröhjohr kütt! Nor Ühm un Möhn
sich halde noch ehr Stüvvge wärm:
"Dat Wedder eß för jung Lück schön,
uns määht et krank en Bein un Arm!"
 
  <<< widder öm
 
Impressum | Montag, 23. Oktober 2017 | Copyright © 1998 - 2017 Udo Gerth, Köln | 2 Besucher online | # 1504567 | PI's: 4775953