Jlobal Kölsche Sigge.de - 0-.-1.2017
URL: http://jlobal-koelsche-sigge.de/berchem.php?Rid=113

Et litt en Stadt voll Glanz un Praach
am schönsten deutsche Strom,
do größe stolz op helliger Waach
de Tön vum iwigen Dom;
wo eß en Heimat, schön wie ming?
Alaaf, alaaf mie Köll´n am Rhing!

Et klingk en Sproch su ganz apaat,
genöglich, leev un lus,
se eß vun echter, deutscher Aat,
sprich frei un geraderus;
en schönere nie em Ohr mer log:
Alaaf, alaaf de kölsche Sproch!

Et schleiht en Hätz, su treu wie Gold,
för Fründschaff, Huus un Hääd,
dat bliev Humor un Fruhsenn hold,
ov Loß ov Leid et dräht;
kein ander eß esu rich an Schätz:
Alaaf, alaaf et kölsche Hätz!
© 2006 Udo Gerth, Köln
Alle Rechte vorbehalten.
 
Zum Thema: Peter Berchem, *1866 - †1922 • http://jlobal-koelsche-sigge.de/berchem.php?Rid=113