Jlobal Kölsche Sigge.de - 9-.-0.2018
URL: http://jlobal-koelsche-sigge.de/schneider.php?Rid=101

Adam un Eva
"Komm, Heinche , lo' mer spille gonn,
Komm met meer ob uns Höffge;
Desch han ich do un StöhIche stonn,
Ming Popp un och mi Schööfge."'

Su säht et Züffge , kräg der Hein,
Der Nohbersch-Hein me`m Hangche,
Godmödig ging och met dä Klein,
Leet Fritzche stonn un Schängche.

Un wle om Höffge no die zwel
Met Popp un Schööfge spillte
Un met Gepluder allerlei
Sich adig ungerhillte,

Do reef et Züffge: ,Heinche, süch
Die Drüvger do om Mörche!"
Et- Heinche frogte: "Sin die üch?"
Kräg Äugelcher wie Förche.

"Näh", säht et Weech' un sohch en an,
"Die sin dä Lück heenevve;
Doch gläuven ich, mer künnen dran,
Wann do mich jet deis hevve."

Gesaht - gedonn! Et Heinche hovv
Et Züffge an de Druve.
Do fing en Stemm om Nevvenhoff
Ze schängen an un schnuve:

"Ehr Spetzboven! Ich wäden Üch
Ming Druven hange looße;
Genog grad, dat ehr ärgert mich
Met Schreien un met Roose!''

Glich drob däm Züff si Mutter kom
Un laht It üvver't Beinche,
Dann me'm Schlavitt se In sich nohm,
Schmeß vör de Dör et Heinche.
© 2006 Udo Gerth, Köln
Alle Rechte vorbehalten.
 
Zum Thema: Wilhelm Schneider-Clauß • http://jlobal-koelsche-sigge.de/schneider.php?Rid=101