Jan un Griet

zoletz jeändert: 8-.-0.2017   Druckerfründliche Sigg •  Info zu: Schneider-Clauß • 8093 × beluurt.

 
Un et Züff, dat weed verläge,
Kritt wie Schudder jet un Froß,
Un eh ft sich hät erkräge,
Frog der Hen: „Wat eß hee loß?

Un wäm höt" - sing Auge bevve
En et Zemmer - „do die Weeg
Un wat dren eß?? - Kanns do gevve
Meer en Antwoot drob villeech?"

Laach et Züff un säht: „Woröm nit?
Der Frau Müllersch höt dä Klein;
Ärgern darfs do dich doröm nit,
Grad wie do su heisch hä - Hein!"

Jan un Griet
Johre gonn un Johre kumme,
Wie de Minsche, kromm un grad:
Fahne, Fleute, Trööte, Trumme,
Un der Hendrich wor Zaldat.

Zo Berlin stund bei de Garde-
Grenadier hä stolz un groß,
Vun der Fääsch bes zor Kukarde
Sechs Foß sibbe Zoll hä mooß.

Als hä Orlaub hatt gekräge
Un ob Ost're kom noh Hus,
Lot vun fäns im ald entgäge
Nohbersch Züfrf am Finster 'rus.

„Dag, leev Züff", deit hä et gröBe,
Bliev bei im am Finster stonn,
Liet et Aug vun Kopp zo Föße
Im, - dann en et Zemmer gonn.

„Wä es dann", deit wigger froge
Arg verwundert der Zaldat,
„Die Frau Müllersch?" - dann geloge,
Meint hä, wör su bloß ald dat.

„De Frau Müllersch"; met nem Schnippche
Säht et Züffge, dat ben ich,
Un hee dä, dat leckre Trüppche,
Unsen Äldsten, Henderich!

Hätt ob Dich ich welle wade,
Wöd ich wal nen ahle Stock,
Harn de zwanzig ald gelade,
Un do eez der bunte Rock.

Wör ze alt för Dich gewode,
Un do woosch su wick un fän,
Un der Müller eß ne gode
Leeve Minsch un hät mich gän." -

Stief wie zo'r Parade stund do
Hendrich en Verbaserung
Dann su flöck begriefe kunnt jo
Hä nit die Veränderung.

Doch wie hä sich jet bekümmelt
Hatt die Saach no un kapeet,
Dat e Mädche nit gän schimmelt,
Hät hä fründlich grateleet.

„Züffge", säht hä, „bloß dat
Eine Sag mer: Beß dann glöcklich do?"
Un et Züffge säht: „Ich meine ...
Nä, ich weiß et, Hendrich: Jo!"

„Gott sei Dank!" Us vollem Hätze
Kom dem Henderich dat Woot!
Un hä daach un saht: Lang hätt se
Ob inn wade noch gemoot.

Doch als Nohbeaschkinder wollte
Treu se blieve Wand an Wand,
Un ehr Fründschaff störe sollte
Lück un Leid nit. - Drob de Hand!

Diesen Artikel bookmarken bei...

BlinkList del.icio.us Folkd Furl Google Linkarena Mister Wong Yahoo MyWeb YiGG Webnews

 
  <<< widder öm
 
Impressum | Mittwoch, 23. August 2017 | Copyright © 1998 - 2017 Udo Gerth, Köln | 1 Besucher online | # 1497094 | PI's: 4757423